Wahshatein hain char soo raqsaan terey janey key baad
sooni sooni hain bharee galiyan terey janey key baad
Keya bataoon Jaan ko meree kaisey kaisey rog hein
Kis qadar hey zindagee weeraan terey janey key baad
Chandnee pheekee paree hay chand bhee hey dam ba khood
Thum gayee hay gardish-e-doraan terey janey key baad
Tha yaqeen mujh ko tumharey lot aaney ka magar
phir bhee shabnam thee sar-e-mizgaan terey janey key baad
hum ney mana din gham-e-doraan mein kut hee jaey ga
kis tarah beetey shab-e-hijraan terey janey key baad
hey muzayyan dard key lafzon say afsana mera
kon hay is dard ka darmaan terey janey key baad
mein zamaney key bhanwar mein beh gaya bey dast-o-pa
reh gaya saadi tahee damaan terey janey key baad
The End of an Era and a New Beginning
6 years ago